Што вядома пра дырэктарку Ліцэя БДУ, якая прапанавала пераназваць яго ў імя Фелікса Дзяржынскага

Таццяна Мамчыц. Фота: mlyn.by

Таццяне Мамчыц 51 год, родам яна з Ліды. Бацькі ў Таццяны самыя звычайныя — маці працавала ў Лідскай раённай бальніцы, а бацька цесляром. Муж жанчыны працаваў ахоўнікам. Згодна з базамі «Кіберпартызанаў», на 2020-ы быў беспрацоўным.

У 1995-м Мамчыц скончыла філфак БДУ, але амаль адразу апынулася ў Інстытуце нацыянальнай бяспекі, дзе рыхтуюць кадэбістаў. Згодна з базамі «Кіберпартызанаў», на 2013-ы яна была начальнікам педагагічнага аддзела ўстановы.

На момант пераводу ў Ліцэй БДУ Мамчыц займала пасаду начальніцы метадычнай часткі Інстытута нацыянальнай бяспекі.

Таццяна Мамчыц. Фота: lyceum.by

Ідэя перайменавання ліцэя ў імя Дзяржынскага, імаверна, ужо даўно прасоўваецца КДБ. Увосень 2022-га ў ліцэі прайшоў конкурс «Першы сярод роўных», дзе ліцэістам прапанавалі намаляваць комікс пра Дзяржынскага, з мэтай папулярызаваць прафесію чэкіста.

Фармальна Ліцэю БДУ хочуць надаць імя Дзяржынскага па просьбе выкладчыкаў. Невядома, якія чынам былі сабраныя подпісы выкладчыкаў у падтрымку гэтай ініцыятывы і невядома, ці добраахвотна гэта адбывалася. Прынамсі да прыходу Мамчыц на пасаду такіх ініцыятываў ад іх не было.

Чытайце таксама:

Экс-дырэктар Ліцэя БДУ пра наданне імя Дзяржынскага: Духу ліцэя там ужо няма

Ліцэю БДУ збіраюцца прысвоіць імя Дзяржынскага

Біяграфія Дзяржынскага больш натхняе на бунт, чым на «ахраніцельства»

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

10

21

9

3

8

76