Дырэктарка «Белсата»: Бюджэт тэлеканала скарачаецца амаль удвая
Дырэктарка «Белсата» Агнешка Рамашэўска-Гузы перакананая, што ніводная ўстанова не перажыве такога скарачэння.
Дырэктарка «Белсата» Агнешка Рамашэўска-Гузы заявіла пра скарачэнне бюджэту тэлеканала амаль на 50%. Пра гэта яна напісала ў сваім фэйсбуку: «У якасці падарунка да жаночага дня ліквідацыя — не дэ-юрэ, дэ-факта. Не магу паверыць».
Рамашэўска-Гузы ўдакладніла, што леташні бюджэт Белсата складаў 74 мільёны злотых (каля $19 мільёнаў па цяперашнім курсе), з якіх 63 мільёны злотых давала Міністэрства замежных спраў Польшчы, а яшчэ 11 мільёнаў злотых — TVP (грамадскае Польскае тэлебачанне).
У 2024 годзе бюджэт зменшыцца да 40 мільёнаў злотых (каля $10 мільёнаў). Усе гэтыя грошы выдзяляе Міністэрства замежных спраў Польшчы, а TVP не дае нічога.
«Ніводная ўстанова — і тым больш тая, што вельмі эфектыўна кіруе грашыма, — не перажыве скарачэння бюджэту амаль на 50%», — падсумоўвае Рамашэўска-Гузы.
Чытайце таксама:
