Вярхоўны лідар Ірана аддаў загад пазбягаць прамога канфлікту з ЗША
З пачатку эскалацыі палесціна-ізраільскага канфлікту пачасціліся напады на амерыканскія вайсковыя базы ў Сірыі і Іраку з выкарыстаннем ракет і беспілотнікаў.
Вярхоўны лідар аятала Алі Хаменеі выступае падчас цырымоніі, прысвечанай гадавіне смерці лідара рэвалюцыі 1979 года аяталы Хамейні (на плакаце ўверсе справа) у яго маўзалеі недалёка ад Тэгерана. Фота: Office of the Iranian Supreme Leader via AP
Кіраўнік і духоўны лідар Ірана аятала Алі Хаменеі распарадзіўся пазбягаць прамога вайсковага канфлікту з ЗША на фоне абвастрэння стасункаў з Вашынгтонам, паведамляе газета New York Times.
З пачатку эскалацыі палесціна-ізраільскага канфлікту пачасціліся напады на амерыканскія вайсковыя базы ў Сірыі і Іраку з выкарыстаннем ракет і беспілотнікаў.
Шыіцкія фарміраванні заявілі, што павялічаць колькасць узброеных аперацый з-за таго, што Вашынгтон працягвае аказанне ваеннай дапамогі Ізраілю.
Так, у мінулую нядзелю была здзейсненая атака дронамі на амерыканскую базу, якая размешчана на паўночным усходзе Іарданіі. У выніку загінулі трое амерыканскіх вайскоўцаў, 40 атрымалі раненні.
Чытайце таксама:
Дырэктар ЦРУ даў прагнозы на 2024 год і апісаў тое, што адбываецца ў свеце
У Іарданіі ад беспілотніка загінулі трое амерыканскіх вайскоўцаў