«Цоя вучыце!» Гайдукевіч заявіў, што «Перамен» — «ягоная песня», і расказаў, пра што яна
Сваю арыгінальную трактоўку творчасці Віктара Цоя лідар праўладнай ЛДПБ і дэпутат Палаты прадстаўнікоў Алег Гайдукевіч выклаў у эфіры sb.by.
«Трохі меней перамен. Калі крычаць «Перамен» — ніякіх перамен! І, дарэчы, песня Цоя не пра гэта. Гэта не значыць, што гэтая песня належыць нейкім там апазіцыянерам.
Гэта наша песня! Пра перамены ў душы, у жыцці чалавека. Стаць мацнейшым. Цоя вучыце!»
На думку Гайдукевіча, Цой спяваў не для таго, каб «краіну ламалі», а якраз-такі наадварот:
«Не гэтага Цой хацеў. Таму гэта наша песня. Часам у нас нейкія чыноўнікі баяцца нейкую песню выкарыстоўваць, думаючы, што гэтая песня належыць нейкай вузкай групе палітыкаў радыкальных. Гэта наша песня! Гэта мая песня, «Перамен». І да вас, дурняў са сцягамі, што бегаюць па вуліцах, яна не мае ніякага дачынення».
Чытайце таксама:
У канале Алега Гайдукевіча апублікавалі дыкпік. Падобна, з дэпутацкай рукой
«Калі ўбачыла той самы …» Інтэрнэт горача ацаніў дыкпік з канала Гайдукевіча
Юрысты расказалі, якія прававыя наступствы могуць быць у дыкпіка ў тэлеграм-канале Гайдукевіча
