Калтовіча прызначылі «міністрам без партфеля». Ён зоймецца пытаннямі інтэграцыі з Расіяй
Фота: president.gov.by
Стала вядома, што былы міністр гандлю Уладзімір Калтовіч прызначаны намеснікам кіраўніка апарату Саўміна.
Дэ-юрэ гэта адміністратыўная пасада, Апарат Саўміна забяспечвае работу прэм'ера і яго намеснікаў: афармляе даручэнні, курыруе міністэрствы ў плане выканання задач і гэтак далей.
Дэ-факта Калтовіч становіцца міністрам без партфеля, бо будзе займацца адказнай сферай — пытаннямі інтэграцыі з Расіяй у рамках гэтак званай «саюзнай дзяржавы». Раней такога персанальнага адказнага не было.
Расія настойвае на такіх эканамічных пераўтварэннях у Беларусі, якія дадаткова прывязваюць беларускую эканоміку да расійскай.
Калтовіча адносяць да «прабеларускага крыла» чыноўнікаў, але калегі апісваюць яго як чалавека, які гатовы дыскутаваць толькі да моманту прыняцця рашэння, а далей дысцыплінавана выконвае, якое б яно ні было.
Чытайце таксама:
Змагаўся з «Еўраоптам» і рабіў селфі ў вышыванцы. Чым запомніўся былы міністр гандлю Уладзімір Калтовіч
