Alaksandr Ivulin raskazaŭ, što jamu śnicca paśla kałonii
Na anłajn-marafonie «Nam nie ŭsio adno!» aŭtar jutub-kanała «ČiestnOK» i były palitviazień Alaksandr Ivulin raskazaŭ, što z vychadam na volu historyja aryštu nie skančajecca.
Alaksandr Ivulin. Fota: «Naša Niva»
30-hadovy Alaksandr na voli paŭhoda. Jon kaža, što apošni miesiac jamu śnicca šmat zony, pahoni, pieraśled z zatrymańniami, dopyty.
Śniŭsia jamu i pamierły ŭ niavoli mastak Aleś Puškin.
«My ź im pierasiakalisia na karancinie», — raskazvaje były palitviazień, jaki trapiŭ z mastakom u adnu kałoniju ŭ Ivacevičach.
Pavodle jaho słoŭ, takija ž sny śniacca i inšym byłym źniavolenym.
«Ty vyjšaŭ, a tvoj mozh jašče siadzić», — pierakazvaje jon słovy znajomaha muzykanta.
«Heta niepryjemnyja adčuvańni», — pryznajecca były palitviazień.
Jon ličyć, što pa vychadzie ź miescaŭ pazbaŭleńnia voli niavolnickaja historyja nie skančajecca.
Pa vyzvaleńni pačynajecca davoli praciahły praces sacyjalizacyi, i byłomu aryštantu patrebnaja dapamoha dla viartańnia da narmalnaha žyćcia.
Ivulin kaža, što jamu dapamahali šmat ludziej.
Jon raić byłym aryštantam nie saromiecca, a źviartacca pa dapamohu.
Błohiera ŭtrymlivali za kratami z 3 červienia 2021-ha. 19 studzienia 2022-ha sud daŭ Ivulinu dva hady kałonii za ŭdzieł u mirnych pratestach. Jon poŭnaściu adbyŭ termin i vyjšaŭ na volu 17 lutaha 2023 hoda.
Siońnia ad 10 da 22 hadziny prachodzić anłajn-marafon padtrymki biełaruskich palitviaźniaŭ. Achviaravać hrošy možna pa spasyłcy: salidarnasc.com
