Siarhiej Michałok sabraŭ «Minsk-Arenu» FOTA, VIDEA
Lepšyja momanty kancertu:
U prahramu «Double Hot» ŭvajšli lepšyja treki BRUTTO z albomaŭ «Rodny kraj» i «Underdog», a taksama załatyja chity «Lapisaŭ» za apošnija 10 hadoŭ.
Michałok pavinšavaŭ «doblesnych žančyn» sa śviatam, prakryčaŭšy razam z załam « hip-hip ura!» i prapanavaŭ praciahnuć prahramu na vulicach Minska. Voś i ŭsio, što jon skazaŭ.
Minčuki śpiavajuć u aŭtobusie «Hraj» VIDEA
Jak prachodziŭ kancert, hladzicie ŭ repartažy «NN».
Pierad pačatkam kancertu muzykanty praviali maštabnuju aŭtohraf-siesiju.
Na kancercie ŭ vialikaj kolkaści prysutničaje milicyja. Hledačoŭ sa ściahami bujnym płanam zdymajuć na kamieru.
Hrupa padtrymki BRUTTO prapanuje abmieńvać bieł-čyrvona-biełyja ściahi na ściahi z emblemaj BRUTTO.
Arhanizatary kažuć, što, paśla kancerta nibyta možna viarnuć svoj ściah, a ściah BRUTTO, sa słoŭ arhanizataraŭ, možna budzie pakinuć sabie.
Padčas vykanańnia pieśni «Rodny kraj» nad załaj padnialisia bieł-čyrvona-biełyja ściahi.
Hledačy zapalili fajer, jaki cudam pranieśli ŭ zalu. Fota dasłaŭ čytač.
Hrupa prakaciłasia z «Double Hot» pa haradach Ukrainy, Amieryki i Jeŭropy, i, viadoma, hučna prezientavała prahramu ŭ Homieli. Prezentacyja debiutnaha na rodnaj ziamli kancerta BRUTTO, u Homieli, sabraŭ 5000 hledačoŭ z usioj krainy.
