Na Maršy «darmajedaŭ» było ŭsiaho 3 tysiačy, a ŭ internecie jaho za sutki prahledzieŭ miljon!
«Marš aburanych biełarusaŭ», jaki adbyŭsia 17 lutaha ŭ Minsku, prosta parvaŭ infarmacyjnuju prastoru Biełarusi — za sutki, što prajšli z akcyi, jaje ŭžo prahledzieŭ miljon!
Čytajcie: U Minsku niekalki tysiač čałaviek vyjšli na Marš aburanych biełarusaŭ
Tak, žyvyja tranślacyi na Youtube tolki čatyroch ŚMI, što pracavali ŭ efiry na šeści, sukupna ŭžo majuć bolš za 900 tysiač prahladaŭ.
Za sutki videaanłajn «Našaj Nivy» nabraŭ pad 200 tysiač prahladaŭ, stolki ž — u radyjo «Svaboda», 350 tysiač — u «TUT.by» i 100 tysiač u «Biełsata».
Siudy ž možna dadać dziasiatki videa i tranślacyj, što rabilisia zvyčajnymi ludźmi ci błohierami, jakija nie majuć šyrokaj aŭdytoryi.
Pry hetym ličby ŭvieś čas indeksujucca ŭ bolšy bok, a zapisy nie sychodziać ź pieršych pazicyj ŭ «trendach» łakalnaha Jutuba — heta značyć, što cikavaść da Maršu siarod biełarusaŭ tolki raście.
Taki ŭsplosk cikavaści da temy abviarhaje słovy prezidenta i asobnych čynoŭnikaŭ pra toje, što dekretam №3 niezadavolena tolki paru socień čałaviek u krainie.
Ale varta i adznačyć, što, kali videa z maršu pahladzieŭ miljon — chaj ź ich prykładna 80% buduć žycharami Biełarusi, — vykazać svajo «Nie» na Płošču pryjšło tolki 3 tysiačy biełarusaŭ.