Biełaruś sprabavała źniać z paradku dnia AAN hałasavańnie pa Krymie
Delehacyja Biełarusi sprabavała praduchilić hałasavańnie ŭ kamitecie Hienasamblei AAN, jaki vyvučaje prablemy pravoŭ čałavieka, pa prajekcie rezalucyi ab parušeńni pravoŭ čałavieka Rasijaj u Krymie, piša dialog.ua.
Adnak uniesienaja Biełaruśsiu prapanova nie razhladać čatyry rezalucyi, u tym liku i ŭkrainskuju, nie prajšła. 101 kraina vystupiła suprać.
Jak stała viadoma, Kamitet Hienasamblei AAN pa sacyjalnych i humanitarnych pytańniach pryniaŭ prapanavany Ukrainaj prajekt rezalucyi, u jakim asudžajucca parušeńni pravoŭ čałavieka z boku «rasijskich akupacyjnych uładaŭ» na terytoryi Kryma i Sievastopala.
Za rezalucyju ŭ aŭtorak, 15 listapada, prahałasavali 73 delehacyi, 76 ustrymalisia i 23 vykazalisia suprać, pieradaje Radyjo AAN.
Rasijski bok zajaviŭ, što pradstaŭleny ŭkrainskaj delehacyjaj prajekt nie maje ničoha supolnaha z «realnaj situacyjaj u Krymie» i nie adlustroŭvaje mierkavańnie žycharoŭ paŭvostrava.
Nad prajektam rezalucyi pracavaŭ u tym liku lidar krymskatatarskaha naroda Mustafa Džemileŭ.