Minčuku ŭ kasie na Niamizie vydali lišnija 905 rubloŭ. Ciapier jaho šukaje milicyja FOTA
U Minsku supracoŭniki Centralnaha RUUS šukajuć mužčynu, jakomu kasir banka pry abmienie valuty pamyłkova vydała lišnija 905 denaminavanych rubloŭ. Pra heta infarmuje BiełTA sa słovaŭ pres-aficera Centralnaha RUUS Taćciany Aboznaj.
Zdareńnie adbyłosia 7 lipienia bankaŭskim adździaleńni pa vulicy Niamiha. Mužčyna mianiaŭ 9,5 tys.dołaraŭ na rubli. Pry abmienie kasirka pamyliłasia i addała klijentu 20 tysiač rubloŭ zamiest 19 095 rubloŭ.
Vyjaviŭšy niedastaču, bankaŭskija supracoŭniki śpiarša spadziavalisia, što mužčyna sam viernie pamyłkova vydadzienyja hrošy. Kali hetaha nie adbyłosia, bank źviarnuŭsia z zajavaj u milicyju.
Milicyja prosić tych, chto maje jakuju-niebudź infarmacyju pra zdareńnie, źviarnucca pa telefonach +375 29-384-61-08, +375 17 288-02-02 albo 102. Kanfidencyjnaść harantujecca.
