U Baranavičach baćka siłaj trymaŭ čužoje dzicia, pakul syn źbivaŭ achviaru nahami VIDEA
U sacyjalnych sietkach źjaviłasia videa, źniataje 2 krasavika na kamieru nazirańnia ŭ adnym z baranavickich dvaroŭ.
Na videa vidać, jak dzieci 10—14 hadoŭ hulajuć na dvary, potym z padjezda vychodzić mužčyna i biare siłaj adnaho ź ich, nie dajučy pavarušycca.
U hety momant inšaje dzicia, vidać, syn mužčyny, pačynaje źbivać nahami taho, jakoha trymaje baćka.
Ahułam małomu daviałosia atrymać 10 udaraŭ nahami i adzin rukoj u tvar. Paśla čaho mužčyna adpuściŭ, zabraŭ šapku i taksama ŭdaryŭ pa tvary.
Paśla hetaha mužčyna pačaŭ štości raskazvać chłopcu, jakoha bili.
Pakul nieviadoma pryčyna kanfliktu, ale moža padumać, što papiarednie chłopcy pasvarylisia pamiž saboj. Paśla čaho «paciarpieły» paskardziŭsia svajmu baćku, jaki i vyrašyŭ takim čynam pravučyć susiedskaje dzicia.
Jak nam stała viadoma, baćki źbitaha dziciaci napisali zajavu ŭ milicyju.
Pačatak a 01:30.
