Choć apazicyja nie zaklikała na Płošču, ludzi zładzili šeście pa praśpiekcie FOTA, VIDEA
Niekalki socień minčukoŭ pajšli šeściem ad Kastryčnickaj płoščy da płoščy Niezaležnaści.
Fota Siarhieja Hudzilina.
U žurnalistaŭ «Našaj Nivy» zastałosia ŭražańnie, što ŭ pieršych šerahach manifiestantaŭ išła taksama hrupa pravakataraŭ. Jany byli napadpitku, vykrykvali ahresiŭnyja łozunhi, a potym niečakana źnikli, niby rastvarylisia, kali ŭvahu žurnalistaŭ adciahnuŭ dziŭny chłopiec z rasijskim trykałoram.
22:37
Kala Kaścioła zastałosia kala 40 čałaviek, razam z žurnalistami. Usie razychodziacca.
22:31
Urešcie chłopčyka adpuścili, jon pratakoł nie padpisaŭ. Maršrutka źjazdžaje.
22:20
Chłopca viaduć u maršrutku, što staić kala kaścioła «Sucharava — Čyžoŭka». Bačna, što jaho tam afarmlajuć.
22:12
Ludzi z raściažkami niekudy źnikli
22:10
Dvoje milicyjanieraŭ padyšli da chłopca sa ściaham, kažuć, što suprać jaho budzie składzieny pratakoł za niezakonnaje šeście. Pytajuć, ci jość u jaho dakumienty. U jaho niama dakumientaŭ.
Składajuć pratakoł. U milicyjantaŭ (kapitan Ramieka i staršy lejtenant Śmirnoŭ) — kamiery ho-pro na formie.
Na płoščy — kala 100 čałaviek.
Chłopcu — 17 hadoŭ. Jaho zavuć Jahor Skrabnieŭski. «Za što jaho zatrymlivajuć, čamu mienavita jon?»
«Jon kiepskija słovy havaryŭ i sa ściaham», — adkazvajuć milicyjaniery.
21:42
Źjaviŭsia niejki čałaviek, zahornuty z rasijski ściah. Jaho adahnali da hatela «Minsk». Pakul u natoŭpie niekalki pravakataraŭ.
Ludzi pakul biazmetava chodziać pa płoščy Niezaležnaści. Častka razyšłasia, bolšaść zastajecca na płoščy.
21:40
Ludzi pieryjadyčna hukajuć: «Dzie Statkievič?»
21:36
Malitva skončyłasia. Hukajuć «Žyvie Biełaruś».
Niejki čałaviek z rasijskim ściaham vyjšaŭ na Płošču:
Ludzi ŭ štackim sprabavali jaho zatrymać, ale jon źbieh.
21:34
Ludzi pačynajuć malicca. Prapanujuć pamalicca i razyścisia.
Śpiavajuć «Mahutny Boža».
21:26
Dajšli da płoščy Niezaležnaści, da Čyrvonaha kaścioła. Milicyja ničoha nie pradprymaje. Ludzi razbrydajucca pa płoščy.
21:14
Zapalili fajery. Pierad kałonaj idzie hrupka ludziej u cyvilnym z racyjami, čałaviek vosiem.
Dajšli da «Centralnaj kniharni».
21:11
Spuskajucca ŭ pierachod kala HUMa. Skandujuć: «Łukašenka, sychodź!».
Iduć kala HUMa. Milicyja papiaredžvaje pra niedapuščeńnie praviadzieńnia takich akcyj.
21:06
Ludzi rušyli praśpiektam u bok HUMa.
20:52
Na Kastryčnickaj płoščy prysutničaje kala 200 čałaviek.
20:02
Siarod demanstrantaŭ — hramadski aktyvist Maksim Viniarski i kinarežysior Volha Mikałajčyk, eks-palitviazień Juryj Rubcoŭ. Pryjšli taksama piśmieńnik Adam Hłobus, palitołah Uładzimir Mackievič, hraf Alaksandr Prušynski, eks-palitviazień Źmicier Daškievič, Viačasłaŭ Siŭčyk, pradprymalnik Aleś Makajeŭ.
«My nie možam maŭčać», — patłumačyŭ u intervju Radyjo Svaboda Maksim Viniarski.
Jany trymajuć bieł-čyrvona-biełyja ściahi i raściažku «Łukašenka, sychodź».
Zaznačym, što na Płošču nie zaklikali ni lidary apazicyi, ni kandydatka ŭ prezidenty Taćciana Karatkievič.
Łukašenka siońnia razmaŭlajučy z žurnalistami, zaklikaŭ apazicyju «žyć pa zakonie». «Navat kali jany ŭčora ŭ parušeńnie našych zakonaŭ vyjšli — tam nie było nivodnaha milicyjanta. Ja žorstka zapatrabavaŭ — nie čapajcie nikoha da vybaraŭ. Vybary zakančvajucca siońnia ŭ 20 hadzin. Ja papiaredžvaju — pačynajcie žyć pa zakonie!», — ckazaŭ jon.
Jon taksama adznačyŭ, što viedaje ŭsich apazicyjanieraŭ, «ich 400 čałaviek z 10 miljonaŭ». «Jašče raz papiaredžvaju — vybary zakančvajucca ŭ 20 hadzin. Vykonvajcie zakon», — pryhraziŭ jon.