Łukašenka: Biełaruskim pamiežnikam treba dziejničać tak, kab nijakich pretenzij z boku Ukrainy nie było
Alaksandr Łukašenka 18 žniŭnia pryniaŭ z dakładam dziaržsakratara Rady biaśpieki Alaksandra Miažujeva. Na sustrečy razmova išła ab dziejnaści siłavoha błoka krainy i pravaachoŭnych orhanaŭ, pracu jakich kaardynuje dziaržsakrataryjat Rady biaśpieki.
Alaksandr Łukašenka zapatrabavaŭ uzmacnieńnia dziejnaści dziaržsakrataryjata Rady biaśpieki.
«Ja ŭžo niejak publična kazaŭ ab pracy dziaržaŭnaha sakrataryjata Rady biaśpieki. Ale heta nie značyć, što my pahavaryli i nie pavinna być ruchu ŭ płanie palapšeńnia i ŭzmacnieńnia jakaści pracy. Heta struktura, jakaja ŭžo adbyłasia i isnuje 20 hadoŭ, čas ruchacca napierad bolš rašuča, nie bajučysia prymać niejkija bolš prahresiŭnyja rašeńni, unosić prapanovy».
«Siłavy błok, pravaachoŭnyja orhany pracujuć narmalna, hrešna było b kryŭdzicca abo krytykavać ich, ale tym nie mienš niehatyvu taksama chapaje», - miarkuje Łukašenka.
Alaksandra Łukašenki naściarožvajuć niekatoryja pytańni dyscypliny, asabliva siarod aficerskaha i navat hienieralskaha korpusa ŭ Ministerstvie abarony. «Takich faktaŭ dastatkova, vy, napeŭna, ich atrymlivajecie. Chaču, kab jany heta čuli: ja heta viedaju», - padkreśliŭ kiraŭnik dziaržavy.
Łukašenka zakranuŭ taksama rabotu Kamiteta dziaržbiaśpieki.
U pryvatnaści, Alaksandr Łukašenka adznačyŭ: «Čas niejkija novyja formy, mietady pracy nie toje što vynachodzić, a zychodziačy z ułasnaha vopytu brać na ŭzbrajeńnie».
Łukašenka rezka raskrytykavaŭ i vykazaŭ pretenzii da jakaści pracy zakrytaj, tak zvanaj uradavaj, suviazi. «Heta nie sprava, kali razmaŭlaješ z kiraŭnikom jakoj-niebudź dziaržavy, i narmalna pahavaryć niemahčyma», — adznačyŭ Alaksandr Łukašenka.
Havorka išła i ab niekatorych inšych aktualnych pytańniach. Łukašenka asabliva pacikaviŭsia situacyjaj na biełaruska-ŭkrainskaj miažy: «U nas tam sapraŭdy paradak, abo jość niejkija prablemy?»
Pry hetym Alaksandr Łukašenka papiaredziŭ: «Biełaruskim pamiežnikam treba dziejničać tak, kab nijakich abhruntavanych pretenzij z boku Ukrainy da nas nie było. My paabiacali im, jašče da prezidenckich vybaraŭ, što my vielmi prystojna siabie pavodzili i viadziem.
Nas ni Rasija, nichto nie prasiŭ nahniatać stanovišča na biełaruska-ŭkrainskaj miažy, dy i nam heta nie treba. u hetaj suviazi chaciełasia b pačuć, jakaja tam abstanoŭka z ulikam maich ukazańniaŭ. my heta nie chavali — my, viadoma ž, pad asablivy kantrol biarem hetuju miažu ŭ suviazi z padziejami, jakija tam adbyvajucca».
Kiraŭnik dziaržavy ličyć, što biełaruski bok pavinien vyrašać usie prablemy nie ŭ parušeńnie najaŭnych damoŭlenaściej z ukrainskim bokam.
Łukšaenka zapatrabavaŭ, kab staršynia Dziaržpahrankamiteta Leanid Malcaŭ pastajanna znachodziŭsia na suviazi z kiraŭnikom ŭkrainskaha pahrankamiteta.
«Darečy, my z prezidentam Parašenkam pra heta damovilisia — što ŭsie słužby, i siłavoha błoka, pavinny pastajanna kantaktavać.
Kali jość niejkija naściarožanaści, to zdymać ich, kab heta nie vychodziła navierch i, nie daj Boh, jašče ŭ hramadstva, u ŚMI, kab nie było ŭ nas navat padstavy da hetaha».
Kiraŭnik dziaržavy prainfarmavany ab tym, što ŭsie jaho daručeńni adnosna situacyi na biełaruska-ŭkrainskaj miažy niaŭchilna vykonvajucca. U pryvatnaści, naładžana ŭzajemadziejańnie i kantakty pamiž usimi siłavymi viedamstvami dźviuch krain, jakija pastajanna adbyvajecca abmien infarmacyjaj. Dziaržpahrankamitet va ŭzajemadziejańni z MUS i Ministerstvam abarony vyrazna vykonvaje daručeńni kiraŭnika Biełarusi pa ŭzmacnieńni dziaržaŭnaj miažy na paŭdniovym kirunku.
Akramia taho, Łukašenka pacikaviŭsia, jak iduć spravy na biełaruska-ŭkrainskaj miažy ŭ suviazi z dazvołam u letni siezon žycharam prymiežnych ukrainskich terytoryj źbirać hryby i jahady ŭ biełaruskich lasach.
Kiraŭniku dziaržavy paviedamlena, što Biełaruś adkryła siezonnyja punkty propusku dla ŭkrainskich hramadzian, raspačaŭšy ŭsie nieabchodnyja miery biaśpieki. Hetaja situacyja znachodzicca pad asablivym kantrolem - abstanoŭka spakojnaja, narmalnaja.
