Урад Расіі ухваліў крэдыт Беларусі на $700 мільёнаў для аплаты старога расійскага крэдыту
Урад РФ ухваліў праект пагаднення аб прадастаўленні дзесяцігадовага дзяржкрэдыту Беларусі на $ 700 мільёнаў.
Мінфіну сумесна з МЗС даручана правесці перамовы з беларускім бокам і падпісаць пагадненне, гаворыцца ў распараджэнні, падпісаным прэм'ер-міністрам Расіі Дзмітрыем Мядзведзевым 19 жніўня.
Згодна з праектам, крэдыт будзе пагашацца двума штогадовымі траншамі — у красавіку і кастрычніку — пачынаючы з 2018 года. Сума траншаў будзе паступова расці: з 2,5% ад сумы ў першыя некалькі гадоў да 9,5% у красавіку і кастрычніку 2027 года.
Стаўка - 6-месячны LIBOR плюс маржа, якая разлічваецца як розніца паміж прыбытковасцю даляравых еўрабондаў РФ з пагашэннем праз 7 гадоў і разліковай стаўкай 7-гадовага адсоткавага свопу ў доларах.
Крэдыт прызначаны на рэфінансаванне абавязацельстваў Беларусі перад РФ па раней атрыманай пазыцы. Прынцыповая дамоўленасць аб выдзяленні крэдыту была дасягнута на ўзроўні кіраўнікоў дзяржаў у пачатку красавіка гэтага года.