Прыдушылі і вывезлі на дачу: пяцярых віцебчукоў абвінавачваюць у выкраданні чалавека
Па дадзеных следства маладыя людзі ва ўзросце ад 26 да 28 гадоў вечарам 10 чэрвеня прыехалі да дома №99 па вуліцы Максіма Горкага ў Віцебску.
Там яны збілі 24-гадовага мужчыну, а затым сілай пасадзілі ў салон БМВ 520i, які належыць аднаму з падазраваных. У машыне адзін з падазраваных сціснуў шыю пацярпеламу, ад чаго той страціў прытомнасць.
Затым яны адвезлі пацярпелага ў адзін з дачных дамоў у Віцебску. Праз некаторы час мужчыну вярнулі дамоў.
Па словах следчых, прычынай гісторыі сталі «непрыязныя адносіны паміж мужчынамі».
Супрацоўнікамі міліцыі ўсе пяцёра падазраваных былі затрыманыя.
Следчыя прад'явілі абвінавачанне двум 27-гадовым падазраваным, іх змясцілі пад варту. Траіх адпусцілі пад падпіску.
Расследаванне крымінальнай справы працягваецца.
