Знайсці
18.08.2017 / 11:546РусŁacБел

БАТЭ выйграў суд у «Крумкачоў», на рахункі мінчукоў у любы момант могуць накласці арышт

Tribuna.com

БАТЭ выйграў суд у «Крумкачоў» па справе аб доўгу. Паводле заявы барысаўскага клуба, на рахункі «Крумкачоў» могуць у любы момант накласці арышт, а таксама пачаць апісваць маёмасць.

У студзені 2016 года БАТЭ даў беспрацэнтную пазыку «Крумкачам» на адзін год памерам 150 тысяч даляраў. Дзякуючы гэтай пазыцы мінскі клуб змог забяспечыць фінансавыя гарантыі перад АБФФ і атрымаць ліцэнзію на ўдзел у вышэйшай лізе.

Па ўмовах дамовы пазыкі, ФК «Крумкачы» павінен быў вярнуць палову сумы ў жніўні 2016 года, іншую палову — у снежні 2016 года. Фінансавыя вынікі дзейнасці клуба не дазволілі зрабіць гэта нават часткова.

У пачатку 2017 года, пасля некалькіх папярэджанняў аб неабходнасці вяртання пазыкі, Эканамічны суд Мінскай вобласці вынес вызначэнне аб спагнанні сумы доўгу ў загадным парадку. Кіраўнік клуба Дзяніс Шунто заяўляў, што «Крумкачы» вярнулі 35 тысяч БАТЭ. Пазней стала вядома, што «Крумкачы» парушаюць графік выплат доўгу БАТЭ.

Tribuna.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031