Знайсці
17.08.2017 / 07:4811РусŁacБел

Згублены заручальны пярсцёнак знайшоўся на моркве праз 13 гадоў

84-гадовая жыхарка канадскай Альберты Мэры Грэм змагла вярнуць згублены 13 гадоў таму пярсцёнак з брыльянтам пасля таго, як ён знайшоўся на моркве, выкапанай у яе агародзе.

У 2004 годзе жанчына згубіла пярсцёнак, праполваючы градкі на сямейнай ферме. Мэры была засмучаная, але вырашыла нікому не казаць, апроч сына. Ён купіў падобны, але больш танны пярсцёнак, які ўсе гэтыя гады і насіла, нібы нічога не адбылося.

У панядзелак яе нявестка, якая жыве цяпер на ферме, нечакана раскрыла таямніцу, знайшоўшы пярсцёнак, калі адмывала ад бруду крывую моркву, выкапаную ў агародзе на вячэру.

Морква прарасла проста праз пярсцёнак, шмат гадоў закапаны ў зямлю, што дазволіла каштоўнасці апынуцца на паверхні.

Сын Мэры Грэм адразу здагадаўся, каму можа належаць пярсцёнак і патэлефанаваў маці.

Цяпер жанчына шкадуе, што схавала праўду ад свайго мужа, які памёр 5 гадоў таму. Паводле яе слоў, муж быў вялікім весялуном і, магчыма, знайшоў бы гэтую гісторыю даволі цікавай.

Гэта не першая такая гісторыя.

У 2011 годзе жанчына ў Швецыі знайшла свой заручальны пярсцёнак, які таксама ўзышоў на моркве праз 16 гадоў пасля знікнення.

Бі-бі-сі

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031