Знайсці
16.08.2017 / 10:2112РусŁacБел

Паведамленне Абамы стала самым папулярным у гісторыі твітара ФОТАФАКТ

Як вынікае са статыстыкі выдання Favstar, што адсочвае папулярнасць паведамленняў у твітары, паведамленне Абамы, якое ён апублікаваў пасля сутыкненняў у штаце Вірджынія, лайкнулі ўжо 3 млн чалавек. 1,2 млн карыстальнікаў за тры дні падзяліліся гэтым паведамленнем з іншымі.

У сваім твітары Абама прывёў цытату Нэльсана Мандэлы, якая цалкам гучыць так: «Ніхто не нараджаецца з нянавісцю да іншага чалавека з-за колеру скуры, паходжання або рэлігіі. Людзі вучацца ненавідзець, і, калі яны могуць навучыцца ненавідзець, трэба імкнуцца вучыць іх любові, бо любоў нашмат бліжэйшая да чалавечага сэрца».

З-за абмежавання на колькасць знакаў у паведамленні Абама падзяліў цытату на тры часткі, а папулярным стаў твіт з першай часткай выказвання, да якой былы прэзідэнт прымацаваў фатаграфію.

На ёй Абама стаіць каля дзіцячага садка ў штаце Мэрыленд, з акна якога на яго глядзяць дзеці розных рас. Другая і трэцяя часткі цытаты сабралі па мільёне лайкаў кожная.

Ранейшым лідарам па колькасці «лайкаў» у твітары было паведамленне спявачкі Арыяны Грандэ, апублікаванае пасля выбуху на яе выступе ў Манчэстэры: «Разбітая. Ад усяго сэрца мне вельмі шкада. У мяне няма слоў».

Падпісацца на Твітар НН можна тут

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031