Знайсці
11.08.2017 / 18:33РусŁacБел

У Расіі 19-гадовага ўкраінца асудзілі на 8 гадоў за «падрыхтоўку тэракту»

Паўночна-Каўказскі акруговы вайсковы суд РФ вынес прысуд 19-гадоваму ўкраінцу Артуру Панову і 34-гадоваму расіяніну Максіму Смышляеву, абвінавачаным у падрыхтоўцы тэракту ў Растове-на-Доне.

Пра гэта паведамляе «Медіазона».

Панова прысудзілі да 8 гадоў калоніі, Смышляева, які абвінавачваўся ў дапамаганні тэрарызму, да 10 гадоў.

Панова абвінавацілі ў падрыхтоўцы тэракту ў растоўскім тэатры імя Горкага. Падчас ператрусу ў яго, як было абвешчана, была знойдзена самаробная бомба. Ён часткова прызнаў віну, але пазней заявіў, што зрабіў гэта пад ціскам.

Жыхар Растова-на-Доне Максім Смышляеў, паводле версіі следства, быў памагатым Панова.

Смышляеў віну не прызнаў; ён сцвярджаў, што адгаворваў Панова ад гвалтоўных дзеянняў.

Як сцвярджае расійскае следства, у канцы лістапада 2015 Паноў і мясцовы жыхар сустрэліся ў Растове-на-Доне, дзе растаўчанін даведаўся падрабязнасці пра запланаваны тэракт, магутнасць выбуховага прыстасаваньня і кампаненты, з якіх яно будзе выраблена, а таксама пра меркаванае месца здзяйснення тэракту.

У пачатку снежня 2015 украінец быў затрыманы супрацоўнікамі праваахоўных органаў. Растаўчаніна затрымалі ў красавіку 2016 года.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера