Даслаць навіну
Знайсці
08.08.2017 / 22:37 67

Google звольніў супрацоўніка, які выказаў меркаванне, што жанчыны ад прыроды менш здольныя да праграмавання і лідарства 

Кампанія Google звольніла супрацоўніка, які напісаў кіраўніцтву скандальную службовую запіску аб гендэрным складзе кампаніі, якая на выходных шырока разышлася па сацсетках і выклікала хвалю абурэння, піша ВВС.

Getty

У дакладзе, у прыватнасці, сцвярджалася, што ў Google працуе менш жанчын (чым мужчын) з-за «біялагічных адрозненняў».

Тэкст гэтай справаздачы супярэчыў прынятым у кампаніі нормам паводзін, паведаміў генеральны дырэктар Google, Сундар Пінчаі у панядзелак увечары ў лісце супрацоўнікам кампаніі.

Ён таксама паведаміў, што супрацоўнік, імя якога ў кампаніі не выдаюць, быў вызвалены ад пасады. Амерыканскія СМІ, зрэшты, назвалі імя інжынера: Джэймс Дэймар.

Пазней сам Дэймар звязаўся з агенцтвам Ройтэрз і пацвердзіў сваё звальненне з фармулёўкай «за распаўсюд гендэрных стэрэатыпаў».

Ён таксама заявіў, што будзе судзіцца з кампаніяй.

У падрыхтаванай справаздачы аб гендарным складзе кампаніі, азагалоўленым як «Ідэалагічная рэха-камера Google», была фраза аб тым, што «магчымасці мужчын і жанчын часткова адрозніваюцца з-за біялагічных прычын, і гэтыя адрозненні могуць тлумачыць, чаму ў тэхналагічным сектары і ў кіраўніцтве жанчыны не прадстаўленыя ў роўнай ступені [з мужчынамі]».

«Нам трэба перастаць успрымаць адрозненні паміж мужчынам і жанчынай як сэксізм», — гаворыцца ў службовай запісцы, якая выклікала буру абурэння.

Поўны тэкст справаздачы апублікаваў сайт Gizmodo.

Сундар Пінчаі сказаў, што аўтар тэксту «перайшоў мяжу» і што ён «распаўсюджвае шкодныя гендэрныя стэрэатыпы ў кампаніі».

Даклад супрацоўніка таксама раскрытыкавала віцэ-прэзідэнт Google па разнастайнасці, цэласнасці і кіраванні Даніэль Браўн.

Аўтар паста, аднак, адзначыў, што атрымаў «мноства асабістых паведамленняў ад іншых супрацоўнікаў са словамі падзякі».

У лісце, разасланым супрацоўнікам Google у панядзелак, Пінчаі пісаў аб тым, што супрацоўнікі маюць права выказваць свае погляды і што змест дакладу можна абмеркаваць, нягледзячы на тое, што большасць супрацоўнікаў гэты пункт гледжання не падтрымлівае.

Аднак, пісаў ён, меркаваць, што частка нашых калегаў мае рысы, якія робяць іх менш прыдатнымі для працы, абразліва.

«Гэта супярэчыць нашым базавым каштоўнасцям і кодэксу паводзін, якія прадугледжваюць, што кожны павінен рабіць усё магчымае для стварэння атмасферы свабоднай ад дамаганняў, запалохвання, прадузятасцяў і незаконнай дыскрымінацыі», — напісаў Пінчаі.

У сваю чаргу, Дэймар стаў героем адначасова для амерыканскай правіцы і прарасійскіх левых. Так, заснавальнік «Вікілікс» Асанж прапанаваў Дэймару працу.

nn.by

2
хамса / адказаць
09.08.2017 / 23:32
>Мы думаем по-разному. .. А эти ваши глупее/умнее.))
ну тады гэта праяўлялася б у школе – дзяўчынкі не паспявалі за хлопчыкамі
'В большинстве стран мира девочки учатся в школе лучше мальчиков, а их образовательные успехи не зависят от равенства полов, экономического и социального развития.
Об этом свидетельствуют результаты крупного исследования американских ученых, которые проанализировали данные успеваемости 1,5 млн. 15-летних школьников из 74 стран мира. Исследования представлены в журнале Intelligence.
Ученые пришли к выводу, что в 70 процентах стран, в которых проводилось исследование, девочки учатся лучше мальчиков. Исключением стали лишь три региона, а именно Колумбия, Коста-Рика и индийский штат Химачал Прадеш,
В то же время, свидетельствуют результаты исследования, в развитых странах разрыв успеваемости в обоих полах сокращается до минимума, однако больше всего девочки-школьницы обходят мальчиков в государствах, известных жестоким половым неравенством, а именно Катаре, Иордании, ОАЭ.'
3
Поль / адказаць
09.08.2017 / 23:52
гоблін, ага мужчины со своей неадекватной агрессивностью,капец,какие разумные.И потом,давайте мужчинам хотя бы на сто лет откажем в образовании,запрем на кухне с детьми,а потом посмотрим много из вас Эйнштейнов получится.


В контакте есть паблик Женщины в науке,можете посмотреть,какие женщины никчемности эмоциональные.
0
Ясь / адказаць
10.08.2017 / 09:56
«магчымасці мужчын і жанчын часткова адрозніваюцца з-за біялагічных прычын, і гэтыя адрозненні могуць тлумачыць»... чаму мужчына няздольны нараджаць дзяцей. 

Няма “раўнапраўя”, блін!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Калі ласка, актывуйце JavaScript у наладах свайго браўзера, каб узяць удзел у апытанні
Загружаецца...
Каб скарыстацца календаром, калі ласка, актывуйце JavaScript у наладах свайго браўзера
2016 2017 2018
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31