У Віцебску хлопец на скутары ўрэзаўся ў слуп на могілках ФОТАФАКТ
6 жніўня ў Віцебску ў цяжкім стане ў бальніцу дастаўлены 29-гадовы кіроўца скутара, які трапіў у ДТЗ ля Стараўланаўскіх могілак, пішуць Народныя навіны Віцебска.
У 17:10 па тэлефоне 102 жыхары 2-га Лагернага завулка паведамілі ДАІ, што ў іх раёне ездзіць п'яны мужчына, які ўвесь час падае са скутара. Экіпаж ДАІ, што прыбыў на месца здарэння, убачыў, як скутарыст заехаў на Стараўланаўскія могілкі, а затым, пры выездзе з другога боку, урэзаўся ў ліхтарню за 5—7 метраў ад агароджы.
Інспектары ДАІ выклікалі на месца дарожна-транспартнага здарэння хуткую дапамогу, і пацярпелага мужчыну адвезлі ў бальніцу. За яго жыццё зараз змагаюцца медыкі. Таксама, для вызначэння яго фізічнага стану, у кіроўцы скутара ўзялі аналізы. Па факце ДТЗ праводзіцца праверка.
