Цэны на кватэры ў правінцыі — ад Бабруйска да Салігорска КАРТА
За апошнія 5 гадоў на долю Мінска ў сярэднім прыходзілася 45% усіх здзелак куплі-продажу кватэр сярод буйных гарадоў Беларусі. У I палове мінулага года рэгіянальныя пакупнікі масава накіраваліся ў Мінск, давёўшы долю сталіцы да рэкордных 50%. Праз год яна зноў вярнулася да нормы, і шмат у чым гэта тлумачыцца разрывам у коштах паміж Менскам і астатняй краінай.
У пачатку крызісу цэны на кватэры ў Мінску былі ў сярэднім на 65% вышэйшымі, чым у абласных цэнтрах. На дадзены момант перавышэнне складае ўжо 102%. Такое расслаенне паміж цэнтрам і рэгіёнамі назіралася апошні раз у далёкім 2008 годзе.
Пакупнікі з рэгіёнаў усумніліся, ці варта купляць кватэру ў сталіцы. Цэны рэальных здзелак у сталіцы за апошні год не змяніліся, а ў большасці іншых гарадоў «аселі» ў сярэднім на 6—10%. Многія з тых, хто меў магчымасць набыць кватэру ў Мінску, у рэшце рэшт інвеставалі грошы ў рынак нерухомасці свайго роднага горада.
