Знайсці
27.07.2017 / 07:352РусŁacБел

Створаны новы прэпарат, што знішчае бактэрыі, адаптаваныя да сучасных антыбіётыкаў, у тым ліку бубонную чуму

Традыцыйны касцюм «чумнога доктара»

Навукоўцы атрымалі новы лекавы прэпарат, які знішчае бактэрыі, адаптаваныя да сучасных антыбіётыкаў. Сярод такіх бактэрый была і Yersinia pestis - узбуджальнік бубоннае чумы, або Чорнае смерці. Даследаванне было апублікаванае ў часопісе mBio.

Нядаўні лабараторны эксперымент, які правялі навукоўцы з Універсітэта Дзюка і Інстытута Пастэра ў Лілі, дазволіў атрымаць новы інгібітар LpxC, які можа лячыць бактэрыяльныя інфекцыі, ўстойлівыя да многіх лекавых сродкаў.

Прэпарат LPC-069 вылечыў у мышэй інфекцыю, якую выклікала грамадмоўная бактэрыя Yersinia pestis. Гэтая ж бактэрыя выклікае бубонную чуму - самую пашыраную разнавіднасць чумы. Бубонную чуму штогод дыягнастуюць прыкладна ў тысячы чалавек па ўсім свеце.

Інгібітары LpxC ўяўляюць сабой новы клас антыбіётыкаў, якія могуць лячыць мноства інфекцыйных захворванняў, выкліканых грамадмоўнымі мікраарганізмамі. Доўгі час навукоўцы не маглі вылічыць, у якой канцэнтрацыі гэты прэпарат бяспечны для чалавека і ў той жа час эфектыўны.

LPC-069 не выклікаў сур'ёзных пабочных эфектаў у паддоследных мышэй пры любой дазіроўцы, у тым ліку і самай высокай. 15 грызунам увялі прэпарат праз 18 гадзін пасля заражэння бубоннай чумой, і яны засталіся жывыя, тады як заражаныя мышы з кантрольнай групы загінулі.

ІП

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера