Каля берагоў Ісландыі знайшлі карабель з золатам нацыстаў
Супрацоўнікі брытанскай кампаніі Advanced Marine Services (AMS) выявілі скрыню з золатам на нямецкім судне, якое патанула ў пачатку Другой сусветнай вайны. Знаходка была зробленая каля берагоў Ісландыі, паведамляе ў нядзелю газета The Sun.
Паводле інфармацыі выдання, у скрыні, знойдзенай у паштовым пакоі на грузавым судне SS Minden, можа знаходзіцца да 4 тон каштоўнага металу, як мяркуецца вывезенага з амерыканскіх банкаў. Супрацоўнікі AMS маюць намер адвезці золата ў Вялікабрытанію і запыталі ў ісландскага ўрада дазволу на тое, каб выразаць адтуліну ў фюзеляжы сухагруза і падняць скрыню на паверхню.
Германскі карабель SS Minden выйшаў з Бразіліі ў Нямеччыну 6 верасня 1939 года, залаты груз на яго борце быў прывезены супрацоўнікамі банка Banco Germanico - даччыным падраздзяленнем Германскага Дрэздэнскага банка, паведамляе газета Daily Mail. 24 верасня таго ж года судна затанула прыкладна за 190 км на паўднёвы ўсход ад берагоў Ісландыі. Адзначаецца, што Адольф Гітлер мог загадаць затапіць судна, калі яго заўважылі караблі брытанскага флоту.
