Знайсці
18.07.2017 / 13:3610РусŁacБел

У Бярозе дзяўчына заехала на машыне ў хлебную краму ФОТА

 «ДТЗ здарылася 16 ліпеня прыблізна ў 18:20. За рулём «Мазды» знаходзілася 23-гадовая дзяўчына. Паводле папярэдняй інфармацыі, яна няправільна выбрала хуткасць пры заездзе на паркоўку і, не даўшы рады кіраванню, літаральна заехала ў гандлёвы павільён», — паведамляе брэсцкае ДАІ.

Пасля здарэння дзяўчына збегла з месца ДТЗ, пакінуўшы ў на заднім пасажырскім сядзенні 28-гадовага пасажыра. Мужчына спаў.

На наступны дзень дзяўчына сама прыйшла ў раённае аддзяленне ДАІ. Свае ўцёкі яна патлумачыла страхам перад адказнасцю за аварыю, бо ў лютым 2017 года яна была пазбаўленая правоў — за знаходжанне за стырном нападпітку. Дарэчы, і ў ДАІ дзяўчына з'явілася ў нецвярозым выглядзе. Экспертыза паказала 0,9 праміле.

Па факце ДТЗ праводзіцца праверка.

УШ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера