Таранціна здыме фільм пра серыйнага забойцу Чарльза Мэнсана
Амерыканскі рэжысёр Квенцін Таранціна рыхтуе фільм пра серыйнага забойцу Чарльза Мэнсана. Пра гэта паведамляе Variety са спасылкай на крыніцы. Кінематаграфіст ужо напісаў сцэнар карціны.
Удакладняецца, што Таранціна плануе сабраць «зорную каманду» акцёраў. Ролі яшчэ не зацверджаны, аднак здымачная група павінна быць сфарміравана да Дня працы, які ў ЗША ў 2017 годзе выпадзе на 4 верасня.
У той жа час крыніцы распавялі Deadline, што рэжысёр сустрэўся з аўстралійскай актрысай з «атрада самагубцаў» Марго Робі і прапанаваў ёй ролю Шэрон Тэйт.
Крыніцы дадалі, што галоўнага героя, імаверна, сыграе Сэмюэл Л. Джэксан. Ролю дэтэктыва могуць аддаць Брэду Піту. У стужцы таксама збіраюцца задзейнічаць акторку Джэніфер Лоўрэнс.
Variety адзначае, што ў стварэнні карціны прымуць удзел Харві і Боб Вайнштэйны, прадзюсары яго ранейшых праектаў.
У фільмаграфіі Таранціна дзевяць фільмаў (сярод іх - дзве часткі дылогіі «Забіць Біла»). Апошняя на дадзены момант стужка рэжысёра, «Мярзотная васьмёрка», выйшла ў 2015 годзе.
