У Беларусь прыйдуць кітайскія плацёжныя карткі UnionPay
«БПС-Сбербанк» плануе да канца 2017 года пачаць выпуск картак кітайскай аплатнай сістэмы UnionPay, паведамілі БелТА ў прэс-службе банка.
Зараз банк праходзіць працэдуру сертыфікацыі ў міжнароднай аплатнай сістэме UnionPay International. Сертыфікацыя дазволіць стаць першым беларускім банкам, якому будзе дадзена генеральная ліцэнзія на выпуск лінейкі картак (Classic, Gold, Platinum, Diamond) аплатнай сістэмы UnionPay International з адначасовым запускам іх абслугоўвання ў банкаматах і аплатных прыладах банка. Трымальнікі карт UnionPay International, выпушчаных банкамі іншых краін, змогуць здзяйсняць патрэбныя аперацыі у банкаматах «БПС-Сбербанка».
На сёння плацежныя карты UnionPay прымаюцца больш чым у 160 краінах і рэгіёнах свету. Выпушчана ўжо больш за 6 млрд карт UnionPay больш чым у 40 краінах і рэгіёнах.
