Сярэдні заробак вырас у маі амаль да 800 рублёў
Сярэдні заробак у Беларусі ў маі вырас да 795,2 рубля, паведамляе Белстат. Гэтая сума на 18,5 рубля больш, чым у красавіку.
У пераліку на даляры па сярэднеўзважаным курсе Нацбанка ў маі сярэдні заробак склаў 426 даляраў.
Рабочыя і служачыя ў маі ў сярэднім зараблялі таксама 795,2 рубля.
Сярэдні заробак мінчукоў, паводле афіцыйнай статыстыкі, у студзені-маі склаў 1 078,2 рубля, у маі — 1 104,4. Майская зарплата на 1,1 рубля перавышае красавіцкую.
У Брэсцкай вобласці ў сярэднім у маі зараблялі 679,9 рубля, у Віцебскай - 678,9 рубля, у Гомельскай - 712,1 рубля, у Гродзенскай - 684,7 рубля, у Мінскай - 810,1 рубля, у Магілёўскай - 673, 9 рубля.
Рэальны заробак, які разлічваецца з улікам інфляцыі, у маі ў Беларусі вырас на 4,1% да аналагічнага перыяду мінулага года. Больш за ўсё гэты паказчык павялічыўся ў Гомельскай вобласці - на 6%.
