Баевікі ІД узарвалі галоўную мячэць Масула — сімвал «халіфата»
Іракскія вайскоўцы заявілі, што баевікі «Ісламскай дзяржавы» ўзарвалі гістарычную мячэць ан-Нуры ў акружаным Масуле, бітва за які працягваецца ўжо дзевяць месяцаў.
Паводле паведамлення, падарваная сама мячэць разам з мінарэтам.
Менавіта ў гэтай мячэці тры гады таму лідар «Ісламскай дзяржавы» Абу Бакр аль-Багдадзі абвясціў «халіфат».
У сваю чаргу, прадстаўнікі ІД заявілі праз сваё інфармацыйнае агенцтва Амак, што комплекс мячэці ан-Нуры разбурыла авіяцыя ЗША.
Мячэць была вядомая сваім гарбатым мінарэтам
Прэм'ер-міністр Ірака Хайдэр аль-Абадзі сказаў, што ўзарванне мячэці стала «афіцыйным прызнаннем паражэння» ІД.
Фота з паветра паказваюць, наколькі моцныя пашкоджанні атрымаў комплекс.
Мячэць была пабудавана ў XII стагоддзі, яе будаўніцтва пачалося у 1172 годзе.