Ганна Севярынец. Ногі скалола згалелая пожня…
Ногі скалола згалелая пожня.
Снапы павезлі, сярпы прыбралі.
Чакай, пакуль не памрэ апошні,
Каб і цябе на таку згадалі.
Апошні, хто памятаў вагу зерня,
Апошні, хто бачыў золата восця,
Чакай, пакуль гэты зямлі не верне
Тое, што некалі ўсім далося.
Апошні, ў кім спела і здрада, і горыч,
Той, хто прызнацца табе баяўся,
Той, з кім стаялі ў полі поплеч
У вашы прыгожыя васямнаццаць.
Чакай, пакуль сыдзе тваё пакаленне
Пад гэтым няўтульным і шэрым небам,
І млын, што прыдатны глытаць каменне,
Пачне рыхтавацца да вашага хлеба.
Тады і змелецца ў пыл на жорнах
Усё жывое па сабекошце.
Ці будзе смачным той самы чорны,
У дзень, калі ўрэшце памрэ апошні?
Каментары
Каб пакінуць каментар, калі ласка, актывуйце JavaScript у наладах свайго браўзера
Лукашэнка ўзяўся за Нацбанк
 2
Жыхар Рыгі паехаў у камандзіроўку ў Беларусь і знік
 4
Уступіла ў сілу забарона на захоўванне дронаў
 2
У цэнтры Мінска прайшоў Крыжовы шлях ФОТАРЭПАРТАЖ
 1
Махляры сабралі персанальныя звесткі тысяч беларусаў замежжа. Як так атрымалася і прычым тут пашпарт Новай Беларусі?
 5
Венесуэльская апазіцыя хацела зарэгістраваць кандыдата на прэзідэнцкіх выбарах, але не змагла залагініцца на сайце ЦВК
Каб скарыстацца календаром, калі ласка, актывуйце JavaScript у наладах свайго браўзера