Фатограф аддаў чатыры гады жыцця, каб зрабіць гэтае ФОТА
У часопісе bioGraphic быў апублікаваны здымак еўразійскага бабра, які плыве пад вадой Луары з таполевай галінкай у зубах. Французскі фатограф паляваў на гэты здымак чатыры гады.
Фота: Louis-Marie Preau
Кожны вечар фатограф апранаў рыштунак для падводнага плавання і ляжаў нерухома ў рэчышчы ракі на працягу двух-трох гадзін. Нарэшце, аднойчы ўвечары яго цярпенне акупілася. Як піша bioGraphic, «ён толькі апусціўся ў ваду і размясціўся, калі ўбачыў дарослага бабра, калі той вяртаўся са свежай таполевай галінкай да трох дзетак».
Звычайны, або рачны, бабёр з'яўляецца самым буйным грызуном фаўны Старога Свету і другім па велічыні пасля капібары. Да пачатку ХХ стагоддзя ў свеце засталося ўсяго каля 1200 асобін гэтага віду, але ў выніку прынятых мер удалося выратаваць рачнога бабра і павялічыць яго папуляцыю.