«Залатую пальму» Канскага кінафестывалю выйграў шведскі фільм «Квадрат»
«Залатую пальму» Канскага кінафестывалю атрымаў фільм «Квадрат» шведа Рубена Эстлунда.
Галоўны герой «Квадрата» — Крысціян, куратар музея, у якога хтосьці крадзе тэлефон і кашалёк. Ён высочвае свой уласны тэлефон праз дадатак і адпраўляецца ў адзін з бедных раёнаў Стакгольма ў спробе вярнуць сваю ўласнасць.
«Здзеклівая мастацтвазнаўчая сатыра на тэму сучаснага мастацтва і марнасць людскіх спадзяванняў адзін на аднаго. Вельмі актуальна і дасціпна», — напісала ў кароткай рэцэніі meduza.io.
Cérémonie du Palmarès / Awards Ceremony #Cannes2017pic.twitter.com/FOWG1HBAvq
Гран-пры дастаўся «120 удараў у хвіліну» французскага рэжысёра Рабена Кампіё. Прыз журы — у «Нелюбові» расіяніна Андрэя Звягінцава.
Найлепшым рэжысёрам прызнана Сафія Копала, найлепшыя акцёры: Дыяна Кругер і Хаакін Фенікс. Ніколь Кідман атрымала спецыяльны прыз юбілейнай 70-й цырымоніі.
Сярод 19 заяўленых фільмаў у Канах была «Лагодная» Сяргея Лазніцы.