Беларусь стала галоўным купцом турэцкіх памідораў
Беларусь стала асноўным купцом турэцкіх памідораў. За першы квартал наша краіна купіла таматаў на 32,4 мільёна даляраў. Такія дадзеныя Інстытута статыстыкі Турцыі апублікавала агенцтва «Анадалу».
На Беларусь прыйшлося каля траціны ўсяго турэцкага экспарту таматаў на 123 мільёны даляраў. Акрамя нас, у тройцы апынуліся Румынія (18 мільёнаў даляраў) і Польшча (11,8 мільёна даляраў).
Пасля скандалу са збітым туркамі расійскім вайсковым самалётам, РФ ўвяла забарону на ўвоз прадуктаў харчавання з Турцыі. У канцы траўня бакі дамовіліся аб зняцці некаторых абмежаванняў, але імпарт таматаў у Расію ўсё яшчэ знаходзяцца ў «чорным спісе».
Больш за палову ўраджаю таматаў вырабляецца ў пяці правінцыях Турцыі. Лідарам па аб'ёмах вытворчасці таматаў з'яўляецца правінцыя Анталья.
