П’яны кіроўца вырашыў пакатаць дзяўчат. І ўехаў у слуп ВІДЭА

Аварыя адбылася ў Брэсце 20 мая каля 8 гадзіны раніцы.

Паводле папярэдняй інфармацыі, 25-гадовы жыхар Мінскай вобласці на аўтамабілі «Шэўрале Круз» падчас левага павароту не справіўся з кіраваннем аўтамабіля. На абсалютна пустой вуліцы ён сутыкнуўся са слупом ліхтара.

Як стала вядома, малады чалавек пазнаёміўся з дзяўчатамі ў начным клубе, пасля закрыцця якога вырашыў пакаціцца з новымі спадарожніцамі па вуліцах горада, паведамляе брэсцкае ДАІ.

У выніку аварыі «Шэўрале» атрымаў механічныя пашкоджанні. Устаноўлена, што вадзіцель знаходзіўся ў стане алкагольнага ап'янення - 1,8 праміле.

Па факце ДТЗ праводзіцца праверка.

УШ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0