Знайсці
22.05.2017 / 11:321РусŁacБел

Даспехі Радзівілаў — тэма чарговага паседжання Цэха жывой гісторыі

Цэх Жывой Гісторыі запрашае на лекцыю «Даспехі нясвіжскіх Радзівілаў».

Даспех Мікалая «Чорнага» Радзівіла

Нефармальнае беларускае аб'яднанне беларускіх ваенных гісторыкаў, аматараў гісторыі і ваенна-гістарычнай рэканструкцыі правядзе адкрытую сустрэчу, якая прысвечаная рыцарскаму ўзбраенню адной з самых магутных магнацкіх сем'яў Вялікага Княства Літоўскага.

У даспехах Радзівілаў мы можам бачыць найлепшыя дасягненні збраяроў і адсачыць праз іх развіццё еўрапейскіх сродкаў індывідуальнай абароны, якія былі тады лепшымі ва ўсім свеце.

Прачытае лекцыю і адкажа на пытанні зацікаўленых намеснік дырэктара Нацыянальнага гісторыка-культурнага музея-запаведніка «Нясвіж» Сяргей Егарэйчанка. Вядучы - кандыдат гістарычных навук Мікалай Плавінскі.

Сустрэча адбудзецца 22 траўня ў 19.00 у бары Beer&Wine (вул.Кульман, 9). Уваход - 5 рублёў.

Тэлефон для даведак: +375 33 6611432.

Аляксандр Гелагаеў

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера