На Віцебшчыне сядзібу XIX стагоддзя прадаюць за 23 рублі
Фота Дзіны Маковіч / radzima.org.
На аўкцыён з пачатковым коштам у 23 рублі выстаўлена сядзіба XIX стагодзьдзя ў вёсцы Арэхаўна Ушацкага раёна. Пра гэта паведамляе сайт vitebsk.cc.
Спачатку адміністрацыя раёну плянавала рэстаўраваць будынак сядзібы, пабудаваны ў 1840 годзе і зрабіць у ім музэй традыцыйных рамёстваў і гасьцінны двор. Пазьней сядзібу выставілі на аўкцыён з коштам у 41 000 эўра. Цяпер яе прадаюць з пачатковым коштам у памеры адной базавай велічыні — за 23 рублі. Пакупніку давядзецца яшчэ выплаціць 634 рублі 25 капеек аддзелу ідэалягічнай працы, культуры і па справах моладзі Ушацкага райвыканкаму за падрыхтоўку аб’екту да продажу.
Таксама ўласьнік будзе абавязаны не пазьней чым за два гады адрэстаўраваць будынак.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера