У Мексіцы трое зламыснікаў абрабавалі аўтобус з 29 паліцыянтамі

Трое зламыснікаў напалі на аўтобус, які перавозіў супрацоўнікаў мексіканскай паліцыі з горада Акапулька, штат Герэра, у сталіцу краіны. Пра гэта паведамляюць інфармагенцтвы са спасылкай на El Universal.

Як паведамляецца, паліцыянты ехалі ў Мехіка на арандаваным турыстычным аўтобусе, каб правесці там выходныя, пры іх не было табельнай зброі. Кіроўца транспартнага сродку быў вымушаны спыніцца з-за паломкі ноччу на трасе. Гэтай магчымасцю і скарысталіся злачынцы.

У паліцыянтаў забралі грошы, мабільныя тэлефоны і асабістыя рэчы. У выніку інцыдэнту ніхто не пацярпеў.

nn.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0