Швецыя зняла абвінавачанні з Асанжа і анулюе ордар на арышт
Шведская пракуратура спыніла расследаванне справы аб згвалтаванні супраць заснавальніка WikiLeaks Джуліяна Асанжа. Ордар на арышт актывіста таксама будзе адменены.
AFP
Як паведамляецца на сайце прыхільнікаў Асанжа, гэта стала магчыма з-за рашэння рабочай групы ААН па пытаннях заключэння пад варту. У лютым 2016 года гэта група вырашыла, што Швецыя і Вялікабрытанія пазбаўляюць Асанжа права на свабоду.
Пры гэтым Вялікабрытанія пакуль не патлумачыла, ці паступаў ім запыт аб выдачы Асанжа ад амерыканскіх уладаў, з-за якога Асанжа таксама могуць арыштаваць. Паліцыя заявіла, што пакуль у іх ёсць распараджэнне арыштаваць Асанжа, калі той пакіне пасольства Эквадора.
З чэрвеня 2012 года Асанж знаходзіцца у пасольстве Эквадора ў Лондане, баючыся арышту і выдачы Швецыі.
У сваю чаргу брытанская паліцыя заявіла, што арыштуе Асанжа, калі ён пакіне пасольства Эквадора ў Лондане.
Па звестках ведамства, Асанж будзе арыштаваны з-за таго, што 29 чэрвеня 2012 года не з'явіўся на судовае пасяджэнне. Ордар на яго арышт выдаў Вестмінстэрскі магістрацкі суд, дадалі ў паліцыі.