Знайсці
12.05.2017 / 19:447РусŁacБел

У брытанскіх бальніцах адбыўся тэхнічны збой. Хакеры заблакавалі камп'ютары і патрабуюць выкуп

У некалькіх рэгіёнах Вялікабрытаніі ў бальніцах, якія дзейнічаюць пад эгідай Нацыянальнай службы аховы здароўя, 12 мая адбыўся тэхнічны збой, выкліканы, як мяркуецца, хакерскай атакай, піша Meduza.

У шэрагу ўстаноў перасталі працаваць тэлефоны і камп'ютары. BBC піша, што дактары «вярнуліся да ручкі і паперы». Некаторыя бальніцы абмежавалі прыём пацыентаў, праблемы якіх не патрабуюць тэрміновага вырашэння.

Як піша The Guardian са спасылкай на супрацоўніка NHS, на заражаных прыладах з'яўляецца паведамленне з патрабаваннем выкупу для аднаўлення працы. У самой службе таксама заявілі, што ў атацы задзейнічаны вірус, які патрабуе выкуп, перадае The Telegraph.

Збой адбыўся як мінімум у 16 установах, размешчаных у Лондане, Нотынгеме, Камбрыі, Блэкбэрне, Блэкпуле, Дэрбішыры і Хартфардшыры.

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера