У Жабінкаўскім раёне ад удару токам загінуў электрык
Падчас уборкі ў трансфарматарнай падстанцыі забіла токам 31-гадовага электрыка ААТ «Жабінкаўскі цукровы завод». Мужчына выціраў пыл з высакавольтных ізалятараў, паведаміла Tut.by афіцыйны прадстаўнік УСК Марына Дранькова.
11 мая мужчына разам з майстрам і інжынерам-наладчыкам быў накіраваны на трансфарматарную падстанцыю паблізу вёскі Сакі. Мужчыны павінны былі падрыхтаваць тэхналагічнае абсталяванне для пуску вады. Электрык прыбыў на аб'ект раней, чым яго калегі.
«Па папярэдніх звестках, там рабочы, у парушэнне тэхнікі бяспекі, стаў праціраць ад пылу высакавольтныя ізалятары, якія пераўтвараюць магутнасць электрычнага току і знаходзяцца пад напружаннем за ахоўнай сеткай. Падчас уборкі ён атрымаў паражэнне токам, ад якога памёр на месцы», — паведамілі ва УСК.
Цела загінулага знайшлі калегі. Жабінкаўскім раённым аддзелам Следчага камітэта праводзіцца праверка па факце смерці мясцовага жыхара.
