Гістарычная перамога! Беларускія тэнісісткі нават без Азаранкі выйшлі ў фінал Кубка Федэрацыі
Арына Сабаленка. Фота афіцыйнага сайта Кубка Федэрацыі.
Па выніках паядынка Арыны Сабаленка і Вікторыі Галубіч падчас паўфінальнага матча Кубка Федэрацыі Беларусь—Швейцарыя ў Мінску лік стаў 3:1 на карысць каманды нашай краіны.
Беларуская жаночая зборная па тэнісе выходзіць у фінал Кубка.
Арына Сабаленка выйграла ў Вікторыі Галубіч два сэты з трох (6:3 2:6 6:4).
Сёння беларускі двойчы перамаглі: раней на корце «Чыжоўка-Арэны» Аляксандра Сасновіч перамагла Цімеа Бачынскі.
У першы дзень спаборніцтваў Аляксандра Сасновіч перамагла Вікторыю Галубіч - 6: 3, 5: 7, 7: 5, Цімеа Бачынскі выйграла ў Арыны Сабаленка - 6: 4, 7: 5.
№1 беларускай зборнай Вікторыя Азаранка прапускае сезон, бо не так даўно стала мамай.
Други паўфінал адбываецца ў ЗША, дзе зборная краіны прымае дзейных чэмпіёнак — зборную Чэхіі. Калі перамогуць амерыканкі, фінал Кубка Федэрацыі пройдзе 11—12 лістапада ў Мінску.
