Беларуска Марына Слуцкая стала чэмпіёнкай Еўропы па дзюдо

Беларуская дзюдаістка Марына Слуцкая заваявала золата чэмпіянату Еўропы ў Варшаве ў вагавой катэгорыі звыш 78 кг. У фінальным паядынку яна перамагла Святлану Яромка з Украіны.

Марыне Слуцкай спатрэбілася крыху больш за дзве хвіліны ў вырашальным паядынку, каб зарабіць адзнаку «іпон» — чыстая перамога.

Бронзавыя ўзнагароды ў гэтай вазе дасталіся немцы Каралін Вайс і Ларысе Черыч з Босніі і Герцагавіны. Для беларускі ў бягучым сезоне гэта не першы буйны поспех. У пачатку красавіка Марына Слуцкая таксама стала пераможцай прэстыжнага турніру Гран-пры Тбілісі.

БелТА

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0