Знайсці
20.04.2017 / 09:441РусŁacБел

У Facebook з'явіцца музыка

Падчас прэс-канферэнцыі для распрацоўшчыкаў F8, якая праходзіць у Сан-Францыска, кампанія Facebook паведаміла пра планы інтэграцыі ў сацсетку музычных стрымінгавых сэрвісаў Spotify і Apple Music.

Паводле старшыні падраздзялення Facebook Дэвіда Маркуса, у хуткім часе карыстальнікі змогуць дзяліцца адзін з адным музычнымі кампазіцыямі.

The Verge паведамляе, што ў першую чаргу аўдыторыя Facebook атрымае доступ да каталога Spotify, Apple Music інтэгруецца крыху пазней.

Карыстальнікі і раней маглі дзяліцца музыкай праз папулярную сацыяльную сетку, але для праслухоўвання трэкаў неабходна ўсё роўна ажыццяўляць пераходы на іншыя сайты. Зараз жа аўдыторыя Facebook зможа праслухоўваць песні адразу ў сацыяльнай сетцы. Праўда, хутчэй за ўсё, для гэтага карыстальнікам будзе неабходна набыць платную падпіску.

І калі Spotify у Беларусі легальна не працуе, то месячная падпіска на Apple Music каштуе ў Беларусі $5.

Акрамя з’яўлення музыкі ў Facebook, кампанія паведаміла і пра некаторыя іншыя новаўвядзенні: спісы з папулярнымі ботамі ў месенджары, прапановы месенджара (напрыклад, вы абмяркоўваеце з сяброўкай у месенджары магчымую вячэру, і месенджар будзе аўтаматычна прапаноўваць вам кавярні і рэстараны), выкарыстанне QR-кодаў для выкліку ботаў.

Максім Маханькоў

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера