life:) адкрыў бясплатны доступ да фэйсбука для сваіх абанентаў
Мабільны аператар life:) сумесна з Facebook запускае праект Free Basics, мэта якога — зрабіць мабільны інтэрнэт даступным як мага большай колькасці людзей.
Сутнасць праекта ў наступным: на адмысловай старонцы freebasics.com усе абаненты life:) могуць бясплатна чытаць навіны, даведвацца пра надвор'е, знаёміцца з рознымі артыкуламі пра здароўе, адукацыю і многае іншае. Матэрыялы падаюцца беларускім парталам tut.by, а таксама рознымі міжнароднымі рэсурсамі, напрыклад, электроннай энцыклапедыяй «Вікіпедыя», жаночым парталам UN Women і іншымі сэрвісамі.
Таксама на freebasics.com арганізаваны бясплатны доступ да сацыяльнай сеткі Facebook. Акрамя таго, асобна ў самым Facebook з'явіцца бясплатны рэжым, выбраўшы які, можна карыстацца сацыяльнай сеткай без інтэрнэту. Даступныя будуць усе функцыі, уключаючы месенджар, за выключэннем прагляду фота і відэа.
Акрамя старонкі freebasics.com, бясплатныя сайты і Facebook даступныя абанентам у мабільным дадатку для Android-смартфонаў Free Basics. Спампаваць яго бясплатна можна на старонцы freebasics.com.
Free Basics — ініцыятыва Facebook. Сёння ён ужо запушчаны ў больш чым 50-ці краінах свету.
