Знайсці
12.04.2017 / 21:561РусŁacБел

Расійская Дзярждума падтрымала перанос прэзідэнцкіх выбараў на дзень анексіі Крыма

Дзярждума РФ падтрымала ў першым чытанні папраўкі ў выбарчае заканадаўства, якія прадугледжваюць перанос выбараў прэзідэнта Расіі ў 2018 годзе з 11 на 18 сакавіка — гэта значыць, на гадавіну анексіі Крыма, паведамляе ВВС.

«За» прагаласавалі 333 дэпутаты з 450. Фракцыя КПРФ, насуперак абяцанням, не галасавала «супраць», а не ўдзельнічала ў галасаванні зусім.

Папраўкі ўнеслі ў Дзярждуму сенатары Андрэй Клішас і Анатоль Шырокаў. У пакеце законапраектаў таксама прапануецца адмяніць выкарыстанне на выбарах адмацавальных пасведчанняў, пашырыць магчымасці назіральнікаў і журналістаў, дазволіць відэаназіранне за выбарамі.

Палітолагі і дэпутаты апазіцыйных фракцый адзначалі, што перанос выбараў звязаны з жаданнем павысіць яўку. раней адзначыў, што аўтары паправак не імкнуліся перанесці дзень галасавання менавіта на дату анексіі Крыма.

Аднак, прадстаўляючы законапраекты, Клішас назваў супадзенне выбараў прэзідэнта з гадавінай далучэння Крыма «пазітыўным», бо яно «мела шырокую грамадскую падтрымку».

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера