Знайсці
10.04.2017 / 12:5713РусŁacБел

Былы старшыня Памежнага камітэта Леанід Мальцаў стаў прарэктарам прафсаюзнага ўніверсітэта

Былы старшыня Памежнага камітэта Леанід Мальцаў, вызвалены ад службы па ўзросце, стаў прарэктарам універсітэта МІПСА («МІТСО», раней Міжнародны інстутыт працоўных і сацыяльных адносінаў)

Гэтую інфармацыю «Нашай Ніве» пацвердзілі ў вышэйнай навучальнай установе. МІПСА — прафсаюзны ўніверсітэт. Рэктарам там працуе кэдэбіст Станіслаў Князеў, колішні першы намеснік Адміністрацыі прэзідэнта.

Леанід Мальцаў.

Да пенсіі Мальцаў змяніў шэраг вышэйшых пасадаў у сферы дзяржаўнай бяспекі: узначальваў Раду бяспекі, быў міністрам абароны і старшынёй Памежнага камітэта — там вялікай любові падначаленых не заслужыў, «бо не можа танкіст намі кіраваць», — як казалі «Нашай Ніве» крыніцы.

Пры гэтым сілавіка апісваюць як даволі разумнага і прабеларускага чалавека.

Адначасова з дзяржаўнай працай, Мальцаў паспяваў рабіць навуковую кар'еру. У канцы 1990-ых ён стаў кандыдатам сацыялагічных навук з даследаваннем «Дзейнасць органаў вайсковага кіравання па падтрымцы і ўмацаванні вайсковай дысцыпліны». А ў 2004 генерал абараніў доктарскую па паліталогіі «Стратэгія вайсковага будаўніцтва ў Беларусі ў сучасных умовах».

Арцём Гарбацэвіч

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера