Выпушчана ў абарот новая купюра 50 еўра ФОТАФАКТ
Цэнтрабанк Літвы прадставіў новую 50-еўравую купюру, якая паступіць у абарот з 4 красавіка, піша Delfi.lt.
Delfi.lt
У Літве купюры вартасцю ў 50 еўра карыстаюцца самай вялікай папулярнасцю — яны складаюць каля паловы ўсіх банкнот.
Новая купюра серыі Europa адрозніваецца новымі сродкамі абароны. Самае галоўнае новаўвядзенне — новы вадзяны знак, акно з партрэтам багіні Еўропы. Акрамя таго, новыя купюры зручныя для невідушчых і людзей са слабым зрокам.
Старшыня праўлення ЦБ Вітас Васіляўскас на прэс-канферэнцыі 3 красавіка сказаў, што новая купюра адрозніваецца палепшанай абаронай. «50-еўравая банкнота адрозніваецца тым, што ў Літве яна самая папулярная. Мы выпусцілі іх 44 млн. адзінак. Асноўная прычына абнаўлення — бяспека. Палепшаная абарона і тое, што новыя банкноты вельмі складана падрабіць, зніжае імавернасць распаўсюду фальшывак», — сказаў Васіляўскас.
