Сотні дэманстрантаў затрыманы ў Мінску: самы брутальны разгон у найноўшай гісторыі
Дзень Волі УСЕ НАВІНЫ АНЛАЙН
У Мінску адбываюцца масавыя затрыманні патэнцыйных дэманстрантаў. Хапаюць любога, хто выяўляе пратэст, хто гуртуецца.
Карэспандэнты «Нашай Нівы» сталі сведкамі, як не менш за 40 чалавек былі затрыманыя ў двары ў раёне вуліцы Кузьмы Чорнага.
Яны сталі таксама сведкамі перавозкі дзясятка затрыманых людзей у мікрааўтобусе.
Калі карэспандэнты «Нашай Нівы» знялі момант масавага затрымання, іх таксама затрымалі. На гэты момант яны знаходзяцца ў аўтобусе міліцыі, куды людзей працягваюць падводзіць.
58 чалавек, пераважна міжнародных назіральнікаў, затрымалі на офісе праваабаронцаў-вясноўцаў.
Затрымлівалі кожнага, хто падымаў плакаты каля Акадэміі навук.
На іншым кардоне, на вуліцы Сурганава, згрудзілася каля 300 чалавек. Гэта людзі розных узростаў, мужжчын і жанчыны.
* * *
На вачах карэспандэнтаў «НН» у раёне плошчы Якуба Коласа былі затрыманыя сотні людзей.
