Жонка Мезіна сышла да іншага брамніка хакейнай зборнай Беларусі ФОТЫ
Два знакамітыя беларускія галкіперы — Андрэй Мезін і Віталь Коваль — шмат гадоў сябравалі сем'ямі. У кожнай сям'і — па двое дзяцей. На многіх фота ў сацсетках Анжаліка Мезіна побач з Юліяй Коваль, шчаслівыя. Улетку 2015 года Ковалі і Мезін падарожнічалі па Амерыцы, выстаўляючы ў сацсетках свае фота.
Таму многія здзівіліся, пабачыўшы Анжаліку побач з Віталем Ковалем.
Анжаліка Мезіна і Віталь Коваль. Фота з сацсетак
«Камсамольская праўда» звярнулася па каментар да Андрэя Мезіна.
— Андрэй, Анжаліка выставіла ў сацсетках фатаграфіі з сэрцайкамі. На фота яна і Віталь Коваль. Вы, напэўна, ведаеце…
— Не, я не глядзеў. Мы з ёй у разводзе. Практычна развяліся.
— Як жа так? Некалькі гадоў таму Анжаліка распавядала нам у рубрыцы «Формула кахання» пра тое, якая ў вас шчаслівая і моцная сям'я.
— Спытайце лепш у яе: як, што і чаму яна выстаўляе. Адзінае, што я магу сказаць, што ў нас у сакавіку павінен адбыцца развод.
— Хто падаў на развод — вы ці яна?
— Сумеснае рашэнне. Лепш спытайце ў яе.
— Пачакайце, такая прыгожая гісторыя кахання. Як так здарылася, што вы рассталіся?
— Вось і спытайце ў яе: я ў гэтай гісторыі трохі ў баку.
— У сэнсе — у баку: вы ж — галава сям'і …
— Ну вось я, як галава сям'і, недагледзеў… Але я не хачу гэта падымаць і выносіць на публіку.
* * *
У ранейшым інтэрв'ю «Камсамолцы» Анжаліка распавядала, што шчаслівая ў шлюбе, а калісьці дзеля Андрэя адмовілася ад свайго мінулага жыцця.
— Да сустрэчы з Андрэем я вучылася ў Англіі, потым жыла ў Кіеве, працавала, — распавядала Анжаліка «Камсамолцы». — У мяне забяспечаныя бацькі, сямейны бізнес, вялікія перспектывы. Але я сама выбрала цяперашняе жыццё. Я хачу быць побач з дачкой, з мужам. Мне падабаецца сустракаць яго дома ў абедзенны час, падабаецца чакаць вечарамі пасля гульні, а раніцай праводзіць на працу.
— Як жа яму пашанцавала!
— Мне таксама пашанцавала. Ён робіць усё гэта магчымым. Андрэй не абмяжоўвае мяне, ён вельмі спакойны, стрыманы, без прэтэнзій …
— Я нічога не баялася, - прызнавалася Анжаліка восенню 2012 года. - Я ведала, што ў Андрэя двое дзяцей, што ён доўга быў у шлюбе, я сама была замужам. Ну і што? Мы нічога не планавалі, проста вельмі хацелі быць разам. Я лічу, што жыццё ўсё расстаўляе па месцах …
