Знайсці
01.03.2017 / 18:535РусŁacБел

«Салодкі фальварак» на плошчы Перамогі таксама закрываецца

«Салодкі фальварак» на пр. Незалежнасці, 37, закрываецца. Яго заменіць французская кавярня, паведамілі агенцтву «Мінск-Навіны» ў ТАА «Ракаўскі бровар».

Фота: Станіслаў Шаршукоў, TUT.BY

«Новая кавярня будзе называцца «Залаты грабеньчык», — удакладніла піяр-менеджар ТАА «Ракаўскі бровар» (да яго належыць «Салодкі фальварак») Валерыя Ліпкіна. — У меню будуць прадстаўленыя аўтарскія дэсерты, а таксама французскія закускі — снэкі. Гэта будзе дэмакратычная еўрапейская кавярня. Інтэр'ер і стыль установы, адпаведна, будуць цалкам змененыя».

На месцы будучай кавярні актыўна ідуць рамонтныя працы: адкрыць яе плануюць да 8 сакавіка. Тым не менш спісваць атмасферны і любімы многімі брэнд «Салодкі фальварак» з рахункаў рана. Валерыя Ліпкіна адзначыла, што на яго ў кампаніі ёсць пэўныя планы.

Нагадаем, раней з'явілася інфармацыя, што на месцы «Салодкага фальварка» ля ст. м. «Фрунзенская» адкрыецца «Макдональдс».

nn.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера